Incentives para sa mga Kabitenyong atleta

Nitong ikaapat ng Disyembre 2017, sa ini­lunsad na ika-67 regular session ng Sangguniang Panlalawigan ng Cavite ay inihain ang isang panu­kalang ordinansa upang bigyan ng pagpapahalaga at sapat na benepisyo at ayuda ang mga Kabitenyong atleta.

Ang ordinansang ito ay may pamagat na: International Sport Elites Incentive Program in the Province of Cavite ay akda ni Board Member Rainier Ambion ng ikapitong distrito ng lalawigan at tumatayong chairman ng Committee on Youth and Sports ng Sangguniang Panlalawigan.

Layunin ng ordinansang mabigyan ng incentives ang mga kababayan­ nating atleta na sumasali­ at nagwawagi sa mga international sport competition. Ayon sa ating Saligang Batas, Article XIV, Section 19, inaatasan ang estado na bigyan ng pagpapahalaga ang physical education at ma-involve sa sports ang mga Filipino para malinang ang disiplina, pagkakaisa at mabigyang pansin ang kalusugan.

Maraming mga atletang Kabitenyo ang nagtagumpay sa larangan ng sports. Taong 1930 nang naipakilala ang sports sa lalawigan sa porma ng baseball. At taong 1934 ay itinanghal si Armando­ Oncinian bilang isa sa mga mahuhusay na baseball players sa buong bansa. Nandiyan din sina Florentino Bautista ng Kawit at Nano Florentino na naging bahagi­ ng Phi­lippine basketball team na lumaban sa ibang bansa. Nandiyan din sina Terrence Romeo na galing Imus at magkapatid Ranidel at Yancy­ de Ocampo na galing sa bayan ng Tanza, kilalang mahuhusay na PBA pla­yers at naging bahagi­ ng Gilas Pilipinas na luma­laban sa mga international basketball tournaments sa ibang bansa.

Si Justiniano Montano, Jr. naman na isa sa mga founders ng WBC, isang prestihiyosong institusyon sa larangan ng boxing ay isang Kabitenyo. Ang tinaguriang ‘Grand Old Man of Phi­lippine Boxing’ na si Papa Sarreal ay nagmula­ rin sa Imus. Nandiyan­ din ang International­ Bantamweight Fede­ration (IBF) World Super Flyweight Champion Jerwin ‘Pretty Boy’ Ancajas ng Kawit.

Hindi malilimutan ng bansa ang mga tagumay na naibigay na Eric Buhain, taga-Imus, sa lara­ngan ng swimming. Nakapag-uwi ng 15 gold medals mula sa SEA Games. Ang Cavite City ay hindi rin nagpaghuli­ dahil galing dito ang tanyag na Women’s Pride in Volleyball na si Viola Franco Samonte.

Ang panukalang ordinansa kaugnay sa pagbibigay ng incentives sa ating mga Kabitenyong atleta­ ay nanghahangad na ma­bigyan monetary incentives at narito ang panukalang halaga: Gold Meda­list - P100,000; Silver Me­dalist - P50,000; Bronze Medalist – P25,000; MVP – P50,000

Talagang hindi matatawaran ang galing at husay ng mga Kabitenyong atleta. Kaya naman para sa mga Kabitenyong atleta, KAYO ANG IDOL KO!

Walang bagay ang magtatagumpay kung hindi ito susuportahan ng bawat isa. Ang panukalang ordinansa na ito ay sisikapin nating maging isang ganap na ordinansa para mabigyan ng dagdag na pagpapahalaga ang ating mga Kabitenyong atleta. Naniniwala ako na sa madaling panahon ay maisasakatuparan ito dahil sa NAGKAKAISANG CAVITE, WALANG IMPOSIBLE!